Moi preto,(100mts) está a igrexa románica de San Fiz de Cangas (S. XII), á que se chega por un camiño situado ao norte deste lugar. Se tomamos a pista que sae ao Sur, encima da Área recreativa, levaranos ao lugar de Arribada. Ao fondo do pobo sitúase o comezo da ruta. Un panel indícanos o camiño.

 

A poucos metros do comezo, baixando á dereita, está o desvío á fonte de Augas Ferreas (fonte de augas ferruginosa que en séculos pasados era moi visitada polas súas propiedades para aliviar os casos de anemia). Seguimos baixando e chegamos a un punto en que temos dúas alternativas, seguir o camiño e chegar a Pacios (Espasantes) ou cruzar unha pequena ponte e ir ao lugar da Cal (Espasantes) en calquera dos casos logo dun pequeno tramo por estrada volvemos tomar o camiño que de regreso lévanos ao punto de partida.

 

Podemos contemplar a posibilidade de comezar o camiño partindo da Cal ou de Pacios e facelo en sentido contrario.

 

Case todo o transcorre entre unha frondosa arboleda ou por medio de viñas. Nalgúns tramos pódese contemplar o Cañon do Cabe así como terras do veciño Concello de Sober.

 

A lonxitude deste camiño é de 3.919 mts.