Galicia España logo_ribeirasacra

Concello de Pantón

facebook-me-gusta Twitter blue large instagram-logo-png-transparent-background panton_anima Transparente

Ruta de Cibrisqueiros a San Cosmede (Pombeiro)

RUTA POMBEIRO-SAN COSMEDE

Tumbas antromorfas de O Preguntoiro

Cibrisqueiros San Cosmede 1

Hórreo pendurado en Cibrisqueiros

Comeza no barrio de Cibrisqueiros (Pombeiro), ó lado dun lavadoiro comunitario que está  á beira da estrada, tomando o sendeiro que nos leva a Souto. Neste tramo podemos observar unha bela vista da igrexa románica de San Vicente de Pombeiro (s. XII- XIII), así como construcións típicas da ribeira. Unha pequena subida, pasado un regato, lévanos ás casetas de Pedén e uns metros máis adiante, á dereita, atópanse as TUMBAS DO REGUNTOIRO (dúas tumbas e restos doutras de carácter antropomorfo, así como unha pequena pía, todas elas escavadas na rocha.)

Comeza un descenso ó longo do curso do río Sil, entre rochas graníticas, posiblemente restos dun glaciar. Entre estes penedos está o lugar que se asenta na súa base, PENAVEADA.

Desde esta rocha, o sendeiro descende ata o lugar de SAN COSMEDE, final da ruta. Este tramo prolóngase entre unha frondosa e abundante vexetación, consecuencia do seu microclima mediterráneo. Conviven moreiras, figueiras, limoeiros, laranxeiros, olivos, vides e pexegueiros con sobreiras, castiñeiross, piñeiros, acacias, etc.

Durante a viaxe non resultará difícil ver aguias, lagartos, lagartas, grallas e, cun pouco de sorte, algún que outro corzo, xabaril ou raposo que rapidamente se ocultarán ante a nosa presenza.

Esta ruta é dunha beleza singular, pero vólvese espléndida no outono e na primavera como consecuencia das tonalidades que a ribeira adquire nestas épocas do ano.

CibrisqueirosRuta