Galicia España 25 a ruta pasa por riba da Míllara Transparente logo_ribeirasacra

Concello de Pantón

facebook-me-gusta

Castelos, Pazos e fortalezas

PAZO DE GOIÁN Tamén coñecido como “Casa Grande de Goián”. Vinculada ao Duque de Sangro e á familia Somoza. A finais do S. XIX comprouno D. Manuel Soto Freire, impresor lucense, editor de Rosalía e de Murguía, que faleceu nesta casa en 1897. Ten planta en forma de L e componse de varios corpos. Muros de cantería granítica. Ten dous patios, unha escalinata rematada nunha solaina do s. XVIII e dous escudos de armas. Capela pegada con campanario e retablo no interior. Tamén dispón de lagar. Muro de peche. É grande pola súa capacidade e polos seus servicios, bens, dependencias...Entre estas últimas destacamos as estancias chamadas “do bispo”, “dos frades”, a sala de visita, a de capela, a da Concepción...Alberga no seu interior pinturas do XIX. Aínda hoxe permanece como testemuña do poderío que tivo durante séculos a sociedade civil de Pantón.

Non é visitable.

PAZO DE REGUENGO.  Na parroquia de san Vicente de Castillón. A fábrica primitiva é do S. XV, se ben tras as reformas do S. XVIII pouco se mantén de época medieval. Si é do S. XV a capela, ao lado dunha vetusta torre. Destaca a súa ampla escalinata, a solaina e os magníficos escudos, que aportan ao conxunto unha nobreza singular. Desde a capital municipal, cóllese a estrada local en dirección a Toiriz. A seis quilómetros desviámonos á esquerda. A dous quilómetros e medio xírase á esquerda e a cento cincuenta metros está o pazo.   Non é visitable

                                                                   

 

CASTELO DE MASIDE (Ferreira de Pantón).  Propiedade privada non visitable. Construcción orixinal do século XI (segundo parece confirmar a aparición de moedas antigas durante algunha das últimas restauracións), pero sofre reformas posteriores, posto que foi abatido polo movemento irmandiño, as máis significativas no s. XIV e s. XIX. Vinculado á familia  Arias de Maside e aos Condes de Lemos. Na fachada destaca unha ventá, de estilo plateresco, enmarcada por dúas columnas estriadas exentas apoiadas nun pedestal labrado e coroada por un tímpano semicircular en forma de venera. Exemplo de arquitectura defensiva medieval cun pazo apoiado e unha torre da homenaxe cadrada e ameada, con portas de entrada e un escudo. 

 

Castelo de Maside Pazo de Goian Pazo do Reguengo