Concello de Pantón
Os ríos que forman os límites do Municipio de Pantón, ( Cabe, Sil e Miño), configuran nas súas ribeiras agrestes e empinadas unha riqueza paisaxística inigualable, que se mesturan coa riqueza artística. Dende o lugar mais alto do municipio (Pena Pombeira, 710 metros), Pantón deleitanos coas súas fermosas panorámicas, mesturando as ribeiras máis escarpadas con vales máis apracibles.
Unhas paisaxes naturais de gran variedade e atractivo, con boas condicións para practicar a pesca. Polos ríos Miño e Sil pódense realizar percorridos en catamarán, que permiten a contemplación dos insólitos paraxeeees da Ribeira Sacra, cos seus característicos viñedos dispostos en terrazas, tamén chamados socalcos.
"Pantón é un país de vales como maus abertas,
de colos maternais e amorosos,
de montañas docemente femininas que se erguen
para ollar ó ceo e ó inmenso Val de Lemos
deitado ó seus pes, hermoso e longo.
Eiquí a pedra fíxose arte, flor,
pasmo, maravilla, milagro,
eirexa, castelo, mosteiro, pazo, casa,
para darlle ó home seguridade e fogar,
frente ó desamparo da vida e do destino"
MANUEL MARÍA
Natureza
